අධිවේගී මාර්ගයේ දී රියදුරු අසුන් මාරුකළ දෙදෙනාට 20 000 බැගින් දඩ

දක්ෂිණ අධිවේගී මාර්ගයේ අතර මඟ බස් රථ නවතා අසුන් මාරුකළ රියදුරන් දෙදෙනාට රුපියල් විසිදහස බැගින් දඩ නියම කිරීමට මතුගම මහේස්ත්‍රාත් අද(26) නියෝග කළා.

ඔවුන්ට එරෙහි චෝදනා වුයේ අධිවේගී මාර්ගයේ බස් රථ ගාල් කිරීම හා අනාරක්ෂිත ලෙස මාර්ගය හරහා ගමන් කිරීමයි.

මෙසේ දඩ නියම වූයේ, අම්බලන්ගොඩ වතුගෙදර පදිංචි පෙත්තාවඩු නුවන් චන්ද්‍රසිරි සහ කඩවත පදිංචි සුදසිංහ විරාජ් සමීර යන දෙදෙනාටයි.

ඔවුන් ඉකුත් 22 දා උදෑසන අධිවේගී මාර්ගයේ දොඩංගොඩ දී බස්රථ දෙක නවතා මෙම වරද සිදුකර තිබුණා.