බොරැල්ල පොදු සුසාන භූමියේ මෝටර් රථයක් තුළ ගැට ගසා සිටියදී සොයා ගත් ජනශක්ති සමූහ ව්‍යාපාරයේ අධ්‍යක්ෂ දිනේෂ් ෂාෆ්ටර් රෝහලට ඇතුළත් කිරීමෙන් පසු මියගොස් තිබෙනවා.
ජාතික රෝහලේ දැඩි සත්කාර ඒකකයේ ප්‍රතිකාර ලබමින් සිටි දිනේෂ් ෂාෆ්ටර් හෘදයාබාධයකින් මිය ගිය බව පොලිසිය පවසයි.
ප්‍රමුඛ පෙළේ ව්‍යාපාරිකයෙකු වන දිනේෂ් ෂාෆ්ටර් අසාධ්‍ය තත්ත්වයෙන් සිය මෝටර් රථය තුළ ගැට ගසා සිටියදී ඊයේ පෙරවරුවේ බොරැල්ල පොදු සුසාන භූමියේදී සොයා ගැනුණා.
ෂාෆ්ටර් නිවසින් පිටව ගොස් අතුරුදන්ව ඇති බව පරීක්ෂණවලදී අනාවරණය වී තිබුණා.
පොලිසිය පැවසුවේ ටික වේලාවකින් ඔහුගේ බිරිඳ ඔහුට කතා කළ බවත් ඔහුගේ දුරකථනය ක්‍රියා විරහිත වූ බවත්ය. පසුව ඔහු බොරැල්ල කනත්තේ නැවතී සිටින බවට ඔහුගේ බිරිඳගේ ජංගම දුරකථනයට සංඥා ලැබිණි.
තුවාල සහිතව රියදුරු අසුනේ ගැට ගසා සිටි ඔහුගේ නිලධාරි සේවකයෙකු විසින් ඔහුව සුසාන භූමිය තුළදී සොයා ගන්නා ලදී.
